Facultade de CCXXT

Egresadas e egresados de Ciencias volven ao centro para orientar ao alumnado no seu futuro profesional

Os estudantes presentes puideron coñecer seis casos diferentes

 

A Facultade de Ciencias do campus de Ourense organizou este mércores, por segundo ano consecutivo, unha mesa redonda na que egresadas e egresados do centro volveron ás súas aulas para contar ao alumnado que agora se está formando nelas as súas experiencias profesionais unha vez remataron os seus estudos. O obxectivo da iniciativa foi motivar aos estudantes sobre o seu futuro profesional e axudar a orientalos dándolle a oportunidade de escoitar e falar con persoa que estiveron no seu lugar poucos anos atrás.

Egresadas e egresados de Ciencias volven ao centro para orientar ao alumnado no seu futuro profesional
Ler máis...

Investigadoras do campus únense a bombeiros e apicultores para informar nas asociacións veciñais sobre a avespa velutina

A iniciativa foi presentada este luns no Concello de Ourense

 

A avespa velutina está a piques de deixar de invernar e van a comezar a aparecer os chamados niños primarios que, situados a nivel baixo, serán o primeiro paso para a súa expansión. De cada unha das primeiras raíñas que agora esperten sairán arredor de 20.000 obreiras e unha decena de raíñas para crear os chamados niños secundarios. Este luns presentouse no Concello de Ourense unha campaña que baixo o lema Stop Velutina intentará, coa participación de investigadoras do campus, contribuír a frear a expansión desta especie invasora informando sobre ela nas asociacións veciñais da cidade.

información sobre a avespa velutina
Ler máis...

Descifrando a linguaxe das nubes

Javier Martínez de Orueta falou este xoves no campus sobre a observación do ceo

 

A Facultade de Ciencias do campus de Ourense acolleu este xoves a conferencia A linguaxe das nubes, organizada polo Grupo Ephyslab da Universidade de Vigo. Nela, o divulgador Javier Martínez de Orueta falou da súa gran paixón, a observación do ceo e máis concretamente das nubes. Ao longo da súa conferencia, este técnico superior en Saúde Ambiental e grande afeccionado á meteoroloxía, fixo un percorrido visual por imaxes de diferentes ceos para amosar como detrás da súa beleza se agocha moita información útil para coñecer o tempo que vai haber a curto prazo.

Ler máis...

Elas tamén poden ser científicas, enxeñeiras ou tecnólogas

O campus de Ourense abriu este venres as súas portas a 300 escolares da provincia

 

“Hai unha lista moi larga de mulleres que dedicaron a súa vida á ciencia” “todas mulleres incribles que axudaron e axudan ao desenvolvemento das ciencias, quizais algún día unha de nós tamén forme parte dese grupo”. Este é un fragmento da redacción sobre a muller na ciencia co que a nena Noa Rodríguez gañou este venres un dos galardóns do II Concurso Escolar de Debuxo e Redacción do Día Internacional da Muller e a Nena na Ciencia. Nas súas palabras materialízase tamén o desexo dos centros do campus de Ourense que puxeron en marcha este certame e que este venres celebraron tamén a I Xornada de Divulgación en Ciencia, Tecnoloxía, Enxeñaría e Matemáticas.

Ler máis...

Por que o fluxo insaturado no solo pasa de descontinuo nos poros a continuo nos macroporos?

Investigadores do campus propoñen unha explicación a este fenómeno

 

O descubrimento dunha conexión que explica como a natureza descontinua do desprazamento de fluídos a escala microscópica se expande a escalas maiores en medios porosos estruturados. Esta é a achega que vén de facer un equipo de investigadores do Departamento de Bioloxía Vexetal e Ciencias do Solo da Facultade de Ciencias do campus de Ourense. A súa proposta “bosquexa un novo enfoque para comprender as relacións entre a arquitectura do solo e o fluxo real nos poros e proporciona novos métodos para estudar a dinámica do fluxo en medios porosos parcialmente saturados”.

fluxo insaturado
Ler máis...

O Campus da Auga premia a investigación arredor deste recurso que se realiza en Ourense

O campus de Ourense abriu este venres as súas portas a 300 escolares da provincia

 

Este mércores o Teatro Principal de Ourense acolleu a celebración da gala de entrega dos I Premios de Investigación, Transferencia, Innovación Educativa e Divulgación Científica do Campus da Auga. Ante autoridades e membros da comunidade universitaria, dez investigadores e investigadoras subiron ao escenario para recoller uns galardóns que naceron co obxectivo de potenciar e visibilizar o traballo que se realiza na Universidade de Vigo en temas relacionados co motor estratéxico de especialización do campus de Ourense.

Ler máis...