O campus de Ourense abriu este martes as súas portas a 400 estudantes preuniversitarios procedentes de centros educativos da provincia e de Monforte de Lemos. Ao longo da mañá, rapazas e rapaces tiveron a oportunidade de coñecer de primeira man as instalacións e titulacións que se imparten nun campus “do que nos sentimos moi orgullosos” e que “agardamos que no futuro sexa tamén o voso campus”, tal e como destacou o vicerreitor Francisco Javier Rodríguez no acto de benvida.
O campus de Ourense abre as súas portas a 400 estudantes preuniversitarios
