A Facultade de Ciencias do campus de Ourense acolle este venres, día 15 de decembro, a celebración das I Xornadas Filosofía+Ciencia (Ficou 2023), destinadas a alumnado e profesorado de Bacharelato de centros educativos galegos. Nelas exploraranse de xeito divulgativo cuestións fundamentais de filosofía da ciencia “que son relevantes para comprender o noso mundo en constante cambio, desde os problemas abertos da física teórica ata as intrigas da metamatemática e a filosofía da ciencia, pasando polo ‘hacking’ ético e a reflexión moral sobre as fontes de enerxía do futuro que nos proporciona a física máis avanzada”.
A Facultade de Ciencias acolle este venres as I Xornadas Filosofía+Ciencia
