O suplemento europeo ao título é un documento que engade información ao título oficial obtido co obxectivo de incrementar a transparencia das diversas titulacións oficiais impartidas no espazo europeo de educación superior (EEES) e facilitar así o seu recoñecemento académico e profesional
O suplemento europeo ao título, como instrumento para proporcionar máis información ao posible empregador do titular dun grao ou posgrao, será expedido a solicitude da persoa interesada pola universidade correspondente.
Contido
Información unificada, personalizada para cada título universitario, sobre os estudos cursados, os resultados obtidos, as capacidades profesionais e persoais adquiridas e o nivel da súa titulación no sistema nacional de educación superior.
En concreto, segundo o modelo elaborado pola Comisión Europea, o Consello de Europa e UNESCO/CEPES (Centro Europeo para o Ensino Superior) debe conter a seguinte información:
- Datos do estudante
- Información da Titulación
- Información sobre o nivel da Titulación
- Información sobre o contido e resultados obtidos
- Información sobre a función da Titulación
- Información adicional
- Certificación do suplemento
- Información sobre o sistema nacional de educación superior